Braziliya futbolçularından maskalı ETİRAZ

12:22 | 18 Mart, 2020

Braziliyanın “Gremio” klubunun oyunçuları Cənubi Amerikada böyüyən koronavirus qorxusuna görə futbol matçı oynamağa etiraz olaraq meydançaya tibbi maska taxaraq çıxıblar.

Editor.az xəbər verir ki, görüş martın 15-də “Qremio”nun meydanında baş tutub və boş tribunada keçirilib. Meydan sahibləri 3:2 hesabı ilə qalib gəlib. Qarşılaşmadan sonra “Gremio Renato Portaluppi” nin baş məşqçisi yaranmış vəziyyəti şərh edib.

“Oyunçuların bu etirazı çempionatın dayandırılmasını dəstəkləməyimizi şərtləndirir. İnsan həyatı üstün tutulmalıdır. Bütün dünyada futbol oyunları dayandırılıb – Braziliya futbolu niyə dayanmamalıdır? Bu bizim mesajımızdır və ümid edirəm ki, dinləyərlər”,- deyə Paulo Luiz bildirib.

//ölkə.az

Mövzunu Facebookda şərh et