COVID-19 heyvanlar arasında da yayılmağa başlayıb

09:39 | 4 Aprel, 2020

Baytarlar Çinin Uhan şəhərindəki ev və çöl pişiklərinin 15 faizində koronavirus infeksiyasına yoluxma halı aşkar edib.

Tədqiqatın nəticələri “BioRxiv” elektron elmi kitabxanası tərəfindən ictimailəşdirilib.

Mütəxəssislər koronavirus yayılmamışdan əvvəl 39 pişikdən, pandemiyadan sonra isə 102 pişikdən götürülmüş qan nümunələrini testdən keçiriblər.

Məlum olub ki, virusun yayılmasına qədər heyvanlar COVID-19-a yoluxmayıblar, ancaq pandemiyadan sonra 102 pişikdən 15-i bu virusa yoluxub.

Çinli bioloqlar bildiriblər ki, koronavirusa yoluxan pişiklərin sağ qalmaq ehtimalı yoxdur.

Mövzunu Facebookda şərh et