Bu bizik, o da onlar…- Elməddin Behbudi yazır

01:41 | 25 Aprel, 2020

Ukrayna Xarici İşlər Nazirliyi qondarma “erməni soyqırımı”nın 105 illiyi ərəfəsində dövlət qurumlarına məktub göndərərək “erməni soyqırımı” ifadəsini işlətməmələrini tapşırıb. Məktubda xüsusi olaraq qeyd olunub ki, Ukrayna “erməni soyqırımı”nı tanımır və Osmanlı İmperiyasının erməni əhalisi ilə bağlı baş verən hadisələr BMT-nin 9 dekabr 1948-ci ildə qəbul etdiyi “soyqırım” termini tərifinə daxil edilmir.

Bu rəsmi qadağaya baxmayaraq valideynlərindən biri erməni olan Ukraynanın Daxili işlər naziri Arsen Avakyan vətəndaşı olduğu dövlətin və yüksək eşalonunda təmsil olunduğu hakimiyyətin maraqlarına qarşı açıq şəkildə çıxmaqdan çəkinmədi. Keçmişdəki analoji hərəkətlərini xatırlamasaq belə bugünkü tviti ilə erməniliyin onun üçün hər şeydən üstün olduğunu göstərdi. Bəli, dini, siyasi mənsubiyyətinin yox, milli kimliyinin!

//Elmeddin Behbudi

Mövzunu Facebookda şərh et