İsveçdə işsizlik artıb

16:53 | 26 May, 2020

İsveçdə işsizlik səviyyəsi hökumətin ölkədə yeni bir növ koronavirusun yayılmasına qarşı ciddi məhdudlaşdırıcı tədbirlər tətbiq etməkdən imtina etməsinə baxmayaraq aprel ayında 6,7% -dən 7,9% -ə yüksəlib.

Editor.az APA-ya istinadla bildirir ki,bu barədə İsveç Statistika İdarəsinin açıqladığı hesabatda qeyd olunub.

Məlumata əsasən, mövsümi amillər nəzərə alınmadan işsizlik səviyyəsi 8,2% təşkil edib.

Beləliklə, aprel ayında İsveçdə işsizlik iqtisadçıların 7,8% səviyyəsində gözlənilən proqnozlarını üstələyib.

Analitiklər məcburi məzuniyyətə göndərilən işçilər yaxın gələcəkdə işə qayıtmasa, İsveçdəki işsizlik səviyyəsinin 17% -ə yüksələ biləcəyini proqnozlaşdırırlar.

Ölkə hökumətinin büdcə tərtibində əsas proqnozuna görə, işsizlik 2019-cu ildəki 6,8% -dən 2020-2021-ci illərdə 9,0% -ə yüksələcək. Ancaq böhran hazırda təxmin ediləndən daha dərin və uzun olarsa, 2020-2021-ci illərdə işsizlik 13,5% -ə çatacaq.

İsveç hökuməti yüksək işsizlik şəraitində əmək islahatlarını müzakirə etməyə davam edir.

Mövzunu Facebookda şərh et