Nyu-Yorkda polis zabiti bıçaqlanıb

23:52 | 4 İyun, 2020

Koronavirusun yaratdığı böhrandan çıxış yolu tapmaq və polis qəddarlığına qarşı bir həftədir davam edən qəzəbli nümayişlərdən qurtarmağa ümid edən Nyu-Yorkda çərşənbə günü daha çox zorakılıqla başa çatıb.

Corc Floydun ölümünə etiraz olaraq minlərlə insanın iştirak etdiyi dinc nümayiş axşam saat 8-də komendant saatı qüvvəyə mindikdən təxminən bir saat sonra güclü yağış yağdığı üçün polis tərəfindən dağılıb.

Bundan sonra küçələrdə günlərdir ilk dəfə səssizliyin olduğu vaxt, Bruklində bir nəfərin polis patrulunu pusquya salaraq, onu boynundan bıçaqladığı bildirilib. Hücum edən şəxs cavab polis zabitləri tərəfindən vurulub və onun vəziyyətinin ağır olduğu bildirilib.

Qarışıqlıqda iki polis zabiti əllərindən güllə yarası alıb. Hər üç yaralı polisin sağalacağı deyilib.

Polis komissarı Dermot Şi bunun özünü müdafiə edə bilməyən bir polis məmuruna qarşı qorxaq və alçaq bir hücum olduğunu deyib.

Hücum polisin şəhərin bəzi bölgələrində oğurluqların qarşısını aldığı üçün tərifləndiyi, eyni zamanda şəhərdə komendant saatı tətbiq edilərkən insanlara qarşı kobud hərəkətlərinə görə sərt tənqid etdiyi günün sonunda baş verib.

//Milli.az

Mövzunu Facebookda şərh et