Moskvada koronavirusdan daha 27 nəfər ölüb

10:25 | 12 İyul, 2020

Rusiyanın paytaxtı Moskvada ötən sutka ərzində yeni növ koronavirusdan daha 27 nəfər ölüb.

Bu barədə Moskvada koronavirusla əlaqəli vəziyyətin monitorinqi üzrə operativ qərargahdan bildiriblər.

Məlumatda deyilir: “Moskvada pnevmoniya diaqnozu qoyulan və koronavirus infeksiyası aşkarlanmış 27 xəstə dünyasını dəyişib”.

Qeyd edək ki, Moskvada koronavirusdan ölənlərin ümumi sayı 4 143 nəfərə çatıb. İyulun 11-nə olan məlumata görə, Moskvada 228,7 minə yaxın koronavirus infeksiyasına yoluxma halı qeydə alınıb, paytaxtda 164 mindən çox xəstə sağalıb.

//Trend

Mövzunu Facebookda şərh et