Azərbaycan Rusiyanın Stavropol diyarından mineral su tədarükünə başlaya bilər.
Bunu jurnalistlərə Stavropolda “Rokadovskie mineralnıe vodı” zavodunun fəaliyyəti ilə tanış olarkən Azərbaycanın iqtisadiyyat naziri Şahin Mustafayev deyib.
O, Azərbaycandan Stavropol diyarına çoxlu turistin gəldiyini deyib: “Onlar bu bölgənin mineral və müalicə əhəmiyyətli sularını yaxşı tanıyır. Ona görə də, bizim dost və həmkarlarımızın texnoloji cəhətdən nə qədər irəli getdiyini görmək bizə maraqlı idi”.
Nazir vurğulayıb ki, “Rokadovskie mineralnıe vodı” zavodunda yeni texnologiyalar tətbiq olunub: “Azərbaycan bu suyun istehlakçısına çevrilə bilər”.
//Trend