Uşağını öldürən atanın tükürpədici qətl ismarışı – FOTO

12:09 | 30 Mart, 2017
Röyamin: “Nənə, məni atama vermə, qorxuram”
Sabirabadda yeddi yaşlı uşağın qətli ilə bağlı yeni təfərrüatlar məlum olub. İstiPress-in Sabirabada ezam olunan xüsusi müxbirinin verdiyi məlumata görə, hadisə ailə münaqişəsi zəminində dünən axşam baş verib. Belə ki, 27 yaşlı Röyal Məmmədov qaynanasının adına olan torpaq sahəsini satmaq istəyib. Lakin həm həyat yoldaşı, həm də qaynanası buna razılıq verməyiblər. Evdə dava salan Röyal əvvəlcə həyat yoldaşının üzərinə hücum çəkib. Təzyiqdən qorxan qadın xalasıgilə qaçıb. Röyal Məmmədov isə qaynanasından uşağı ona verməyi tələb edib. Qaynanası isə “qoy uşağı geyindirim, sonra apar” deyib. Uşağı öldürməyə aparan Röyal Məmmədov hadisədən əvvəl qaynanasına ismarış ünvanlayır: “Sədiyə de ki, bir də Röyamini görməyəcək. Aparıram başını kəsməyə. Bu da qisas”. Həmin tükürpədici ismarışın fotosunu sizə təqdim edirik:
Qeyd edək ki, amansız hadisəni törədəndən sonra qatil ata kəndin sahə müvəkkilinə zəng edərək: “Bir paçka siqaret al gəl, sənə meyit verəcəm” deyib. Bundan sonra sahə müvəkkili polis bölməsinə zəng edərək bu barədə məlumat verib. Polis əməkdaşları zəngdən dərhal sonra hadisə yerinə gediblər.
Röyamin Məmmədov üçuşaqlı ailənin ən böyük övladıdır. Kənd məktəbinin birinci sinfində təhsil alan Röyamin əlaçı şagird olub. Nənəsinin sözlərinə görə, Röyamin atasından qorxurdu. Hətta hadisənin baş verdiyi gecə: “Nənə, məni atama vermə, qorxuram” deyib.
Röyaminin anası Günel Məmmədovanın müxbirimizə verdiyi məlumata görə, Röyal bir neçə il əvvəl kiçik oğlunu da qaçırıbmış. Lakin ona xələl yetirməyib geri qaytarmışdı. Amma bu dəfə fərqli oldu: “Röyal bilirdi ki, mən Röyamini çox istəyirəm. Məni ən çox onun ölümü yandırar. Ona görə də onu öldürdü ” – deyib.