backend

Azercell İT-bazarın inkişafında öz iştirakını davam etdirir

  • whatsapp
  • messenger
  • telegram
  • vkontakte
  • odnoklassniki

Azercell Telekom MMC-nin növbəti dəfə dəstək verdiyi “NETTY 2017” – Azərbaycan Milli İnternet Mükafatının qalibləri açıqlanıb. 13-cü dəfə baş tutan və Azercell-in əsas partnyoru olduğu “NETTY-2017” – Azərbaycan Milli İnternet Mükafatı – Ümumdünya Şəbəkəsinin milli seqmentinin və ümumiyyətlə İT-bazarın inkişafı məqsədilə yaradılmış informasiya texnologiyalar sahəsində Azərbaycanın birinci peşəkar mükafatıdır.
Təntənəli mükafatlandırma mərasimində ölkənin iri İT şirkətlərinin nümayəndələri, mükafatın nominantları, KİV nümayəndələri və çoxsaylı qonaqlar iştirak ediblər. Ölkədə informasiya texnologiyaları sahəsinin tanınmış nümayəndələrindən ibarət NETTY Akademiyası qalibləri müsabiqədə iştirak edən 117 layihə və resurs içərisindən seçib.
Müsabiqə çərçivəsində “Azərbaycan”, “Dövlət saytı”, “Elm və təhsil”, “Mədəniyyət və incəsənət”, “Cəmiyyət”, “İnformasiya və xəbərlər”, “Servis sayt”, “Korporativ sayt”, “Elektron Kommersiya sahəsində ən yaxşı sayt”, “İdman”, “Şəxsi sayt”, “Virtual münsiflər heyətinin seçimi” nominasiyaları üzrə Azərbaycanda ən yaxşı saytların adları çəkilib, fəxri nominasiyalar (“İlin proqramı”, “Milli informasiya texnologiyalarının inkişafının zənginləşdirilməsi” və “İlin İT hadisəsi”) üzrə mükafatlar verilib.
Azercell Telecom MMC-nin Barama Mərkəzinin rezidenti olan “Green Baku” layihəsi “NETTY-2017” Azərbaycan Milli İnternet Mükafatının qaliblərindən biri olub. Belə ki, “Green Baku” – Ekoloji dəftərxana məhsullarını təqdim edən startupın təqdim etdiyi www.greenbaku.az saytı “Cəmiyyət” nominasiyasının ən uğurlu layihəsi seçilib.
Xatırladaq ki, “NETTY” çərçivəsində bu il ilk dəfə “İlin İT meneceri” nominasiyası keçirilib və onun vasitəsilə ölkənin İT departamentlərinin ən yaxşısı elan olunub. Beləliklə, “NETTY 2017” müsabiqəsinin qalibləri sırasında “Elm və təhsil” nominasiyasında http://prospectacademy.az/, “İnformasiya və xəbərlər” nominasiyasında http://sputnik.az/, “Virtual jürinin seçimi” nominasiyasında http://www.ferdiders.az/, “Mobil avadanlıqlar üçün ilin proqramı” nominasiyasında “Baku Airport”olub. İlin İT-hadisəsi “Azərbaycan Respublikasının
Nəqliyyat, Rabitə və Yüksək Texnologiyalar Nazirliyinin Bakı Telefon Rabitəsi İstehsalat Birliyi: Bakının bir sıra ictimai yerlərində Wi-Fi xidməti” elan edilib, İnformasiya texnologiyaların inkişafının zənginləşdirilməsi üzrə fəxri mükafat isə ADA Universitetinin informasiya məsələləri üzrə rəhbəri Rahid Ələkbərli alıb.
Qeyd edək ki, Azercell şirkəti Azərbaycanlı gənclərin İT, İKT sahəsində biliklərinin artmasına, onların dünya səviyyəli peşəkarlara çevrilməsinə yardım olan layihələrə hər zaman dəstək olur, ölkəmizdə Azərbaycan dilində olan kontentin yaradılması və inkişaf etditilməsi üzrə aparılan bütün işlərdə öz töhfəsini əsirgəmir. Daha ətraflı məlumat üçün news@mcs.az ünvanına müraciət edə bilərsiniz Azərbaycanın mobil rabitə sənayesinin lideri və qeyri-neft sektorunun ən böyük sərmayədarı Azercell Telekom MMC 1996-cı ildə təsis edilmişdir. Azərbaycanın mobil rabitə bazarındakı payı 48% olan Azercell-in şəbəkəsi ölkə ərazisinin 80%, əhalinin 99,8%-ni əhatə edir. Bu gün 4,5 mln nəfər Azercell-in xidmətlərinə seçir. Bir sıra innovativ texnologiya və konsepsiyaları ilk dəfə olaraq Azərbaycana Azercell gətirib: GSM texnologiyası, öncədən ödəmə sistemi, 24/7 Telefon Mərkəzi, onlayn müştəri xidmətləri, GPRS/EDGE, M2M, MobilBank, 1 nöqtədə 3 xidmət göstərən Azercell Ekspres ofisləri, mobil elektron xidməti “Asan İmza” və s. 2012-ci ildə Azercell ölkədə ilk 4-cü nəsl LTE xidmətini təqdim etmişdir. Mobil şəbəkə keyfiyyətinin araşdırmasını aparan Global Wireless Solutions şirkətinin, eləcə də radio siqnalların şəbəkə keyfiyyətini ölçən “Opensignal” və “Testmy.net” kimi beynəlxalq sistemlərin nəticələrinə əsasən Azercell şəbəkəsi bir çox parametrlərə görə Azərbaycanın mobil operatorları arasında ən yüksək göstəricilər nümayiş etdirmişdir.