“Qaydaların olmaması əlbəttə ki, mənfi nəticələnə bilər” – İlham Əliyev

14:53 | 28 Yanvar, 2019

Qaydaların olmaması və ya onların pozulması əlbəttə ki, mənfi nəticələnə bilər.

Editor.az Trend-ə istinadən bildirir ki, bunu Azərbaycan Prezidenti İlham Əliyev Davosda “Rossiya 1” telekanalına müsahibəsində deyib.

Dövlət başçısı bildirib ki, yəni etibar sarsılır, ölkələr arasında qarşılıqlı fəaliyyət səviyyəsi azalır: “Bu, müəyyən münaqişələrə, müəyyən çətinliklərə, bir çox ölkələr arasında münasibətlərin gərginləşməsinə gətirib çıxarır”.

Prezident İlham Əliyev qeyd edib ki, bugünkü mənzərəni müşahidə etmək təəssüf doğurur:

“Dediyim kimi, bu, həm də beynəlxalq məsələlərə, eləcə də iqtisadi problemlərlə bağlı məsələlərə aiddir. Etimad azalır, əvvəlcədən proqnozlaşdırma pisləşir və biznes aparmaq daha da çətinləşir”.