“”Donuz qripi”nin yayılmasını gündəmə gətirmək lazım deyil” – ÜST nümayəndəsibackend

“”Donuz qripi”nin yayılmasını gündəmə gətirmək lazım deyil” – ÜST nümayəndəsi

  • whatsapp
  • messenger
  • telegram
  • vkontakte
  • odnoklassniki
“Hazırda dünyada, o cümlədən Azərbaycanda da hər il olduğu kimi, mövsümi qriplər (A/H1N1) yayılıb”.
“Report” xəbər verir ki, bunu Ümumdünya Səhiyyə Təşkilatının (ÜST) Azərbaycan üzrə ofisinin rəhbəri Hande Harmancı keçirdiyi mətbuat konfransında deyib.
Onun sözlərinə görə, A/H1N1 deyilən virus növü 10 ildir mövcuddur: “Amma bu, “donuz qripi” yox, adi mövsümi qripdir. Yəni, bu, virus artıq “donuz qripi” də adlandırılmır. Donuz qripi donuzdan insana, daha sonra insandan insana keçdikcə buna artıq mövsümi qrip deyilir. İlk dəfə 2009-cu ildə dünyada son pandemiya faktı olub. Son pandemiyanı yaradan İnf A(H1N1) olub. Hər il müşahidə edilən mövsümi qripi A/H1N1 və A/H3N2 virusları törədir və indi də mövsümi qrip var”.
H.Harmancı qeyd edib ki, Gürcüstanda hazırda A/H1N1 virusu geniş yayılır, amma bu virus ötən ildəki viruslardan fərqlənmir: “Gürcüstanda da bu virusun A/H1N1 olduğu açıqlanıb. Bütün Avropa ölkələrində oktyabrdan başlayaraq qrip virusu yayılmağa başlayıb. Hər ilin ikinci ayında laboratoriyalarda nəticələr gəlir və müzakirə aparılır. Yekun qərarda hansı virusun yayılması bəlli olur və mövsümü qrip peyvəndləri hazırlanır”.
ÜST-nin Azərbaycan üzrə ofisinin rəhbəri qeyd edib ki, bir sıra ölkələrdə “donuz qripi”nin yayılması məsələsini gündəmə gətirmək lazım deyil.
O deyib ki, viruslardan qorunmaq üçün gigiyenik qaydalara əməl edilməsi vacibdir.
Səhiyyə Nazirliyinin baş epidemioloqu İbadulla Ağayev isə bildirib ki, əgər ölkədə qrip virusu kütləvi şəkildə yayılarsa nazirlik bu hala qarşı mübarizə aparmaq üçün bütün tədbirləri həyata keçirmək gücündədir.
Baş epidemioloq vurğulayıb ki, Səhiyyə Nazirliyi məlumatları gizlətmir. O, əhalini şaiyələrə inanmamağa çağırıb.