“Bu gün Bakı şəhərində 50 mindən çox tikinti işləri dayandırılıb”. Bunu Milli Məclisin bu gün keçirilən deputat Fəzail Ağamalı deyib.

F. Ağamalı bildirib ki, ölkə başçısının sərəncamı ilə Dövlət Şəhərsalma və Arxitektura Komitəsinə sədr (Samir Nuriyevi nəzərdə tutur-red.) təyin edildi:

“Biz onu alqışladıq ki, cavan oğlandı işləyəcək, Bakı şəhərinin gözəlləşməsinə öz töhfəsini verəcək. O isə gələn kimi bütün tikintiləri dayandırdı. Bu gün Bakı şəhərində 50 mindən çox tikinti işləri dayandırılıb. Regionlardan paytaxt Bakıya fəhləliyə axışan insanların çoxu işsizdir. Bu şəxs görəsən bunun məsuliyyətini düşünürmü?”,- deyə F. Ağamalı bildirib.

Deputat söyləyib ki, ölkə prezidentinin siyasətinin əsas məqsədi işsizlik problemini aradan qaldırmaqdır.

“Bununla bağlı ciddi layihələr həyata keçirilir. Amma bu şəxs 1 ilə yaxındır ki, Bakıda tikintini dayandırıb. Bu gün insanlar arasında ciddi narazılıqlar var. Bunu araşdırmaq lazımdır. Vaxtilə Maliyyə Bazarlarına Nəzarət Palatasına Rüfət Aslanlını gətirəndə hamı onu alqışladı. Bildirildi ki, cavan oğlandır, yaxı işləyəcək və s. İndi isə bu da onun yolunu təkrarlayır”.

F. Ağamalı Milli Məclisin sədri Oqtay Əsədovdan bu məsələ ilə bağlı maraqlanmağı xahiş edib. Spikerin deputata cavabı isə belə olub:

“Həmin şəxsin adı var, Samir Nuriyev. 50 min fəhlə harada qalıb? Dəqiqləşdirin məsələləri. Belə dəqiqləşdirmələr aparmadan ajiotaj yaratmayın. Prezidentin sərəncamı ilə təyin olunmuş adamdır. Niyə bu qədər cavan, ya qoca sözlərini deyirsiniz?”.

//Modern.az