Bir neçə gün əvvəl itkin düşmüş Gəncə sakini 1990-cı il təvəllüdlü Pərviz Quliyevin Sumqayıtda dəniz kənarında asılmış vəziyyətdə meyitinin tapılması ilə bağlı cinayət işi başlanıb.

Hüquq-mühafizə orqanlarından verilən məlumata görə, daxil olan məlumat əsasında polis və prokurorluq orqanları əməkdaşları hadisə yerinə və meyitə baxış keçirib, meyit müayinə olunmaq üçün Məhkəmə Tibb Ekspertizası və Pataloji Anatomiya Birliyinin Sumqayıt şöbəsinə təqdim edilib.

Faktla bağlı Sumqayıt şəhər Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsilə cinayət işi başlanıb.

Xatıladaq ki, fevral ayının 22-dən itkin düşən düşən Pərviz Quliyevin meyiti bu gün Sumqayıtda “Mayak” adlanan ərazidə aşkarlanıb. P.Quliyev sonuncu dəfə metronun “Azadlıq prospekti” stansiyasının yaxınlığında görünüb. O, itkin düşən zaman əynində qara rəngli gödəkcə və cins şalvar olub.

Bir neçə gün öncə itkin düşən şəxsin meyiti aşkarlanıb.

Meyitin fevral ayının 22-dən itkin düşən 1990-cı il təvəllüdlü Pərviz Quliyevə məxsus olduğu deyilir.

Sumqayıt şəhərində, dəniz kənarında asılmış vəziyyətdə aşkarlanan meyit müayinə olunmaq üçün ekspertizaya təhvil verilib. Hadisə ilə bağlı araşdırma aparılır.

Qeyd edək ki, P.Quliyev sonuncu dəfə metronun “Azadlıq prospekti” stansiyasının yaxınlığında görünüb. O, itkin düşən zaman əynində qara rəngli gödəkcə və cins şalvar olub.

O, keçmiş ANS kanalında və Azərbaycanın müxtəlif xəbər saytlarında montajçı kimi çalışıb.

//Trend