Bu gün müğənnilər İlhamə xanmın ifa etdiyi mahnılara klip çəkdirib ruhunu şad etmirlər, İlhamə xanımın yerinə göz dikiblər ki, “Biz İlhamə xanımın yerində olmaq istəyirik”. Bu sizi narahat edirmi?

bu sualla Tarix Əliyev (Tolik) “Hər şey daxil”in canlı yayımına qoşulan mərhum xalq artisti İlhamə Quliyevanın varisi – bacısı Gülbahar xanıma müraciət edib.

Xalq artistinin bacısı telefon bağlantısı zamanı aparıcının dediyi nüanslardan çox ciddi narahatçılıq keçirdiyini dilə gətirib:

“Məni çox narahat edir! İlhamə xanım bu söz-söhbətə layiq bir xanım deyildi. İlhamə xanım olmaq üçün onlar İlhamə qədər həyat yaşamalıdırlar. Heç kəs İlhamə xanım ola bilməz. Onlar İlhamə xanımın mahnılarını oxuya bilərlər, oxuyurlar oxusunlar, amma gözəl oxusunlar. “Tac” söhbəti qurtardı, indi onun “kreslo”undan danışırlar. Öz yolun getsinlər. Yəni, İlhamə xanım olmaq üçün hələ illər lazımdır. Sənətləri varsa, qoy sənətləri ilə məşğul olsunlar”. 

 

Qeyd edək ki, Gülbahar xanım İlhamə Quliyeva ilə ana bir, ata ayrı bacıdır.

Xatırladaq ki, Roza Zərgərli “ATV maqazin onlarla”da İlhamə Quliyeva barədə danışarkən “Bir dəfə dedi ki, sən də mənim cavanlığıma oxşayırsan. Bizim sözlərimiz də bir-birinə bənzəyir. İlhamə xanım kamera önündə hər şeyi dediyi kimi idarə edirdi. Mən də çox yaxşı idarə edirəm. Bir oğul yoxdur, mənim sözümün qabağında söz desin” demişdi.