Türkiyənin Çorum bölgəsində təcili yardım maşınına çırpılan TIR sürücüsünə hökm oxunub.
iki il əvvəl baş verən və yük maşınının azərbaycanlı sürücüsü Gülman B.-nin səbəb olduğu qəza nəticəsində bir tibb işçisi ölüb, üçü isə ağır yaralanıb.
Məhkəmənin qərarı ilə o, 3 il 9 ay müddətinə azadlıqdan məhrum edilib.
Məlumata görə, qəza 2017-ci ilin dekabrında Çorum-Ankara magistralının 30-cu kilometrliyində baş verib. Gülman B. hadisədən dərhal sonra saxlanılıb.
O, ehtiyatsızlıqdan ölümə və ikidən çox şəxsin yaralanmasına səbəb olma maddəsi ilə ittiham edilib.
//Oxu.az