“Neftçi”nin potensial rəqibləri müəyyənləşdi – Avroliqa

16:46 | 5 Avqust, 2019
Bu gün  Avropa Liqasının pley-off mərhələsinin püşkü atılıb.
Editor.az qol.az-a istinadən xəbər verir ki, UEFAnın Nyondakı qərargahında keçirilən tədbirdə Avroliqadakı təmsilçisimiz “Neftçi”nin də pley-offdakı potensial rəqibi məlum olub.
“Ağ-qaralar” 3-cü mərhələdə İsrailin “Bney Yehuda” klubunu mübarizədən kənarlaşdırsa, pley-offda “Malmö” (İsveç) – “Jrinski” (Bosniya və Qerseqovina) cütünün qalibi ilə qarşılaşacaq. Paytaxt təmsilçisi pley-offa çıxsa, ilk matçını səfərdə keçirəcək.
Qeyd edək ki, Avropa Liqasında pley-off mərhələsinin oyunları avqustun 22-də və 29-da keçiriləcək.