Kliçkonun vəzifəsi ləğv oluna bilər

23:04 | 15 Sentyabr, 2019

“Xalqın qulluqçu” partiyasında Kiyev Şəhər Dövlət Administrasiyası başçısı vəzifəsinin ləğv olunması təklif olunub.

Editor.az”qafqazinfo”-ya istinadən xəbər verir ki, bu barədə partiyanın sədr müavini Aleksandr Kornineko “Levıy bereq” nəşrinə danışıb.

“Ola bilər ki, “Paytaxt haqda” qanunun redaksiyasında Kiyev Şəhər Dövlət Administrasiyası başçısı vəzifəsi kimi pozisiya, ümumiyyətlə, olmasın. Aydındır ki, o, hazırda konstitusiyada var, amma bizim demərkəzləşdirmə ilə bağlı planlaşdırdığımız dəyişikliklərdə vilayət dövlət administrasiyası başçıları olmayacaq”, – Korninenko deyib.

Qeyd edək ki, hazırda Kiyev Şəhər Dövlət Administrasiyası başçısı vəzifəsini Vitali Kliçko icra edir.