Avropaya “siyasi mühacir” kimi “sığınıb” Azərbaycanda “demokratiya” davası döyənlər sadəcə ucuz alverçilərdir – Azər Həsrət

17:54 | 18 Noyabr, 2019

“Mühacir alverçilərinin faş edilməsi bir məsələni də ortaya çıxardı. Əli Kərimlinin AXCP-sindən başlayıb Müsavat Partiyasına qədər uzanan bu alver bir daha göstərdi ki, Avropaya “siyasi mühacir” kimi “sığınıb” Azərbaycanda “demokratiya” davası döyənlər sadəcə ucuz alverçilərdir”.

Editor.az Trend-ə istinadən xəbər verir ki, bunu siyasi şərhçi Azər Həsrət deyib.

A.Həsrət bildirib: “Təbii ki, onların arxasında gizlənib siyasi oyunbazlıq edən partiyaları da bu işin içindədirlər. Elə isə bunların “siyasi” iddiaları kimi xoşbəxt edə bilər?”.

Xatırladaq ki, bir neçə gün əvvəl Almaniyanın hüquq-mühafizə orqanları Azərbaycanın müxalifət partiyasının keçmiş üzvlərini saxlayıb. Cnayətkar şəbəkəyə daxil olan 7 nəfər həbs edilib. Cinayətkar dəstənin saxlanılan üzvləri barəsində yerli federal məhkəmələr tərəfindən 6 ay müddətinə həbs qətimkan tədbiri seçilib.

Onlar Ədliyyə Nazirliyi Penitensiar Xidmətinin 9 və 14 saylı məntəqə tipli cəzaçəkmə müəssisələrinin sabiq rəisi Elçin Əkbərov, Müsavat Partiyası Avropa Koordinasiya Mərkəzinin (Müsavat AKM) sədri, Kəlbəcər rayonunun sabiq icra başçısı İlham Həsən, Müsavat partiyasının üzvü, Müsavat AKM sədrinin müavini Mehdi Xəlilbəyli, Müsavat AKM-in üzvü Abdin Cavadov, sabiq deputat Sabir Rüstəmxanlının qardaşı, “Leqat” inteqrasiya mərkəzinin rəhbəri, sabiq polis rəisi Əlövsət Əliyev, Mehdi Xəlilbəylinin sürücüsü Rəşad Məmmədov, Müsavat Partiyasının üzvü Elşən Abdullayevdir.

Məlum olub ki, həbs edilənlər Almaniyada “miqrant alveri” ilə məşğul olmaqda , o cümlədən 3-10 min avro arası ödəmə qarşılığında ən azı 20 nəfəri qaçaq yollarla Almaniyaya aparmaqda şübhəli bilinir.