Əhməd Şahidov Qax rayonu Şotavar kəndində Şəhid Cuma Cumazadənin ailəsini ziyarət edib

15:10 | 27 Yanvar, 2020

112 saylı Qax seçki dairəsindən deputatlığa namizəd, tanınmış hüquq müdafiəçisi Əhməd Şahidov Qaxın Şotavar kəndində olub və Şəhid Cuma Cumazadənin ailəsini ziyarət edib. Şəhidin valideynləri, əsgər yoldaşları, uşaqlıq dostu və müəllimi ilə söhbət edən Əhməd Şahidov Şəhidin xatirəsinin əbədiləşdirilməsinin vacibliyini qeyd edib və bu istiqamətdə aidiyyatı dövlət qurumlarına müraciət edəcəyini bildirib.

Qeyd edək ki, Əhməd Şair oğlu ŞAHİDOV 1982-ci ildə Qax rayonunda anadan olub. Bakı Slavyan Universitetinin bakalavr, magistratura və aspirantura pillələrini bitirib. Filologiya üzrə Fəlsəfə Doktoru elmi dərəcəsini müdafiə edib. Daha sonra Moskva şəhərində Rusiya Federasiyası Prezidenti yanında Dövlət İdarəçilik Akademiyasının “Dövlət Hüququ” fakültəsini bitirib.

Azərbaycan Demokratiya və İnsan Haqları İnstitutunun direktoru, eyni zamanda Azərbaycanlı Əsir və Girovlarla bağlı Məlumat Mərkəzinin koordinatorudur. Dünyanın 65 ölkəsində beynəlxalq təşkilatlarda Azərbaycanın milli maraqları, Dağlıq Qarabağ münaqişəsi, azərbaycanlı əsir və girovlarla bağlı çoxsaylı çıxışlar edib.

Evlidir, 2 övladı var. Rus, ingilis dillərində sərbəst danışır.

www.shahidov.com