Əhməd Şahidov Qaxın yaşlı və ahıl insanlarına müraciət edib: “Qayğısız həyat sizin haqqınızdır”

09:10 | 27 Yanvar, 2020

112 saylı Qax seçki dairəsindən deputatlığa namizəd, tanınmış hüquq müdafiəçisi Əhməd Şahidov növbəti video müraciətini Qax rayonunda yaşayan ahıl və yaşlı insanlara ünvanlayıb. Dövlətimizin hər zaman yaşlı və ahıl insanların sosial təminatının yaxşılaşdırılması istiqamətində effektiv qərarlar qəbul etdiyini diqqətə çatdıran Əhməd Şahidov Qax rayonunda yaşayan ahıl və yaşlı insanların rifahı və qayğısız yaşaması üçün Milli Məclisdə təmsil olunmaq istədiyini bildirib.

Qeyd edək ki, Əhməd Şair oğlu ŞAHİDOV 1982-ci ildə Qax rayonunda anadan olub. Bakı Slavyan Universitetinin bakalavr, magistratura və aspirantura pillələrini bitirib. Filologiya üzrə Fəlsəfə Doktoru elmi dərəcəsini müdafiə edib. Daha sonra Moskva şəhərində Rusiya Federasiyası Prezidenti yanında Dövlət İdarəçilik Akademiyasının “Dövlət Hüququ” fakültəsini bitirib.

Azərbaycan Demokratiya və İnsan Haqları İnstitutunun direktoru, eyni zamanda Azərbaycanlı Əsir və Girovlarla bağlı Məlumat Mərkəzinin koordinatorudur. Dünyanın 65 ölkəsində beynəlxalq təşkilatlarda Azərbaycanın milli maraqları, Dağlıq Qarabağ münaqişəsi, azərbaycanlı əsir və girovlarla bağlı çoxsaylı çıxışlar edib.

Evlidir, 2 övladı var. Rus, ingilis dillərində sərbəst danışır.

www.shahidov.com