Azərbaycanda poçt müdiri ailə üzvləri ilə birgə öldü – Dəhşətli qəzanın təfərrüatı

11:11 | 27 Yanvar, 2020

Dünən səhər saatlarında Muğanlı-İsmayıllı-Şəki yolunun İsmayıllının Bilzan kəndindən keçən hissəsində baş verən dəhşətli yol qəzası ilə bağlı məlumat vermişdik.

Qəbələyə turist aparan “Mercedes” markalı avtobusa çırpılan “VAZ 2107″də olan ailə üzvləri Şəki rayonunun Qayabaşı kəndindən olub. Belə ki, kənddəki poçt filialının müdiri olan 44 yaşlı İlham Quliyev həyat yoldaşı və 2 körpə övladı ilə birlikdə Şəkidən Bakıya – paytaxtda yaşayan qayınatasıgilə qonaq gedərkən qəza baş verib. Nəticədə İ.Quliyevlə yanaşı həyat yoldaşı İlahə Quliyeva və azyaşlı qızı Aysu Quliyeva vəfat edib. Ailədən yalnız azyaşlı Elcan Quliyev sağ qalıb, hazırda onun vəziyyəti orta-ağır kimi qiymətləndirilir.

Dəhşətli qəzada vəfat edən ailə üzvləri bu gün Qayabaşı kənd qəbiristanlığında dəfn ediləcəklər.

Qeyd edək ki, qəza Bilzandakı kafelərdən birinin qarşısında baş verib. Sərnişin avtobusu minik avtomobili ilə toqquşduqdan sonra aşıb və xeyli sərnişin xəsarət alıb.

Faktla bağlı cinayət işi açılıb, araşdırmalar aparılır./Publika.az

 


• COMMUNITY domeni hansı saytlar üçün uyğundur?
•INTERNATIONAL domeni nə cür saytlar üçün uyğundur?

•DENTAL domeni nə cür saytlar üçün istifadə olunur?

•Daha ətraflı məlumat üçün: https://hostimul.com/az/domain-almaq/