Azərbaycanda şəxs borca görə döyülüb.
Oxu.Az xəbər verir ki, bununla bağlı görüntülər sosial şəbəkələrdə yayılıb.
Belə ki, bir nəfər digər şəxsdən 240 manat civarında olan borcunun geri qaytarılmasını tələb edib.
Pulu verən şəxs borcu qaytara bilməyəni döyərək təhqir edib. Hətta qulağını kəsəcəyi təhdidini dilə gətirib.
Daxili İşlər Nazirliyinin Mətbuat Xidmətinin əməkdaşı Nurlan Əliyev məsələ ilə bağlı Oxu.Az-ın sorğusuna cavab olaraq bildirib ki, görüntülərlə bağlı araşdırma aparılır:
“Sosial şəbəkələrdə yayılan görüntülərdən xəbərdarıq. Araşdırma aparılır. Əlavə məlumat veriləcək”.
Həmin görüntüləri təqdim edirik: