Bu gün Ermənistanın əhalisi 3 milyon nəfərə yaxındır, lakin yaxın illərdə və onilliklərdə bu, bir neçə dəfə azala bilər.

Editor.az bildirir ki, bunu Ermənistan Hesablama Palatasının sədri Nairi Sarkisyan deyib. O hesab edir ki, 10 ildən sonra Ermənistanın əhalisi 800 min azala bilər və əsrin dörddə birindən sonra isə ölkədə ümumiyyətlə erməni qalmaya bilər.

“Bu temp davam edərsə, yaxın 25 ildə ölkədə erməni qalmayacaq”. – Sarkisyan bildirib.
Əhalinin sayı ona görə azalır ki, vətəndaşlar Ermənistanı tərk edir, qalanlar isə demoqrafik vəziyyəti yaxşılaşdıra bilmir. Ölkədə doğum səviyyəsi aşağıdır.

//Samir Qurbanov, Editor.az