Ukrayna əsgərləri daha bir rus “quşu”nu yerə endiriblər. Növbəti hədəf Rusiyanın ən yeni təyyarələrindən olan Su-30SM qırıcısı olub.
Editor.az bildirir ki, bu barədə Ukrayna müharibəsi müxbiri Andrey Tsaplienko məlumat verib.
O bildirib ki, RF81771 nömrə nişanlı rus qırıcısı Xarkov vilayətində vurulub və bu ərazini bombalayan ən yeni Rusiya təyyarələrindən biri olub.
“Qiyməti 50 milyon dollardır. 2018-ci ildə İrkutsk Aviasiya Zavodu tərəfindən istehsal edilib və Ukrayna sərhədi yaxınlığında, Kursk şəhərində yerləşən 14-cü Qvardiya Qırıcı Aviasiya Alayına verilib. Alayın komandir müavini Sergey Kosik bu ilin martında vurulub”, – jurnalist qeyd edib.
Andrey Tsaplienko bildirib ki, təyyarə ekipajın taleyi barədə heç bir məlumat yoxdur.
//Samir, Editor.az