Avropa İttifaqının Ukraynaya ayırdığı 50 milyard avro Kiyev rejiminin artan ehtiyacları üçün “heç nə”dir. Avropa xoşagəlməz reallıqla üz-üzədir ki, Kiyevə daha uzun müddət yardım göstərməli olacaq.

Editor.az bu barədə Amerikanın “Politico” qəzetinə istinadla yazır.

“Aİ-nin Ukraynaya ayırdığı 50 milyard avro əslində heç bir şey deyil… Ölkənin maliyyə ehtiyacları günü-gündən artdıqca və Rusiya ilə çətin müharibənin üçüncü ilinə qədəm qoyduğu bir vaxtda Qərb, xüsusən də Avropa böhranla üz-üzədir. Onların daha uzun müddət qarmaqda qalacağı xoşagəlməz bir həqiqətdir”, – nəşr bildirib.

Bundan əvvəl Avropa Komissiyasının sədri Ursula fon der Leyen bildirmişdi ki, Avropa İttifaqı Ukrayna Silahlı Qüvvələrini və hərbi sənayeni öz hərbi imkanlarının bir hissəsinə çevirməyi planlaşdırır.

//Gülnarə Abasova, Editor.az