Birləşmiş Ştatlar baş nazir Viktor Orban hökumətinin bir ildən çox gecikmədən sonra İsveçin NATO-ya üzvlüyünü təsdiqləmək üçün Macarıstan hakimiyyətinə yenidən təzyiq göstərməyə başlayıb.

Editor.az “Bloomberg”ə istinadən xəbər verir ki, ABŞ-ın Macarıstandakı səfiri David Pressman bildirib ki, “Macarıstan İsveçin Alyansa üzvlüyünün nə qədər faydalı olacağını yaxşı bilir.

Orban İsveçin üzvlüyünü dəstəkləyir və biz onun hökumətindən və parlamentindən operativ tədbirlər gözləyirik”. Nəşr qeyd edib ki, Türkiyə və Macarıstan İsveçin üzvlük ərizəsini ratifikasiya etməyən yeganə NATO üzvləridir.

Ankara və Budapeşt hakimiyyətinin İsveçin üzvlüyünə razılıq vermələrinə baxmayaraq, proses uzanıb. İsveçin ölkədə olan kürd separatçı qruplarına qarşı sərt tədbirlər görəcəyinə söz verməsindən sonra Türkiyə iyul ayında NATO sammitində etirazlarını geri götürüb.

Macarıstan da öz növbəsində bunun səbəbini izah etmədən ratifikasiya prosesində Türkiyənin liderliyini izlədiyini bildirib. Orban hökuməti Macarıstanda qanunun aliliyinin pozulmasını iddia etdiyinə görə İsveçdən narazılığını bildirib.

//Samir Qurbanov, Editor.az