ABŞ-ın vitse-prezidenti J.D.Vens deyib ki, Vladimir Zelenski Ukrayna üzrə sülh sazişinin təfərrüatlarını müzakirə etməkdən imtina etdiyi müddətcə Oval Ofisə qayıda bilməyəcək.

Editor.az bildirir ki, bu barədə o, “Fox News”a müsahibəsində danışıb. “Siz Oval Ofisə və ya başqa yerə gəlib sülh sazişinin təfərrüatlarını müzakirə etməkdən imtina edə bilməzsiniz”, – Vens bildirib. Onun sözlərinə görə, ABŞ prezidenti Donald Trampla görüşdə Ukrayna prezidenti sülh prosesində iştirak etmək istəmədiyini nümayiş etdirib.

Vitse-prezident qeyd edib ki, Donald Tramp Vladimir Zelenskinin “cəbbələrinə” və yalanlarına baxmayaraq, əvvəlcə özünü yaxşı aparıb. Vitse-prezident etiraf edib ki, Ukrayna üzrə sülh sazişi “heç kəsi sevindirməyəcək” və hər bir tərəf güzəştə getməli olacaq. O, əlavə edib ki, avropalılar Kiyevi ictimai dəstəkləmələrinə baxmayaraq, Vladimir Zelenskini münaqişəyə son qoymağın vacibliyinə özəl şəkildə inandırmalıdırlar.

Ukrayna üçün təhlükəsizlik təminatlarından danışan J.D.Vens deyib ki, ən yaxşı variant “amerikalılara iqtisadi perspektiv verməkdir”. “Bu, 30 və ya 40 il ərzində döyüşməyən bir ölkədən gələn 20,000 əsgərdən daha yaxşı təminatdır” – deyib.

//Samir Qurbanov, Editor.az