İtaliyanın müdafiə naziri Guido Crosetto bildirib ki, ABŞ ilə İran arasında artan gərginlik Vaşinqtonun qlobal liderlik mövqeyini təhlükə altına qoyur. O, xüsusilə nüvə eskalasiyası ehtimalını “ağılsızlıq” kimi qiymətləndirərək ciddi narahatlıq ifadə edib.

Nazirin sözlərinə görə, mövcud vəziyyət beynəlxalq təhlükəsizlik sisteminə mənfi təsir göstərir və müttəfiq ölkələri çətin seçim qarşısında qoyur.
Məlumata görə, NATO müttəfiqləri arasında yer alan İtaliya ötən həftə ABŞ hərbi təyyarələrinin Yaxın Şərqə uçuşu zamanı Siciliyadakı Sigonella Air Base aviabazasına enişinə icazə verməyib. Bu addım regionda gərginliyin daha da artması fonunda atılıb.

Müşahidəçilər hesab edir ki, bu cür qərarlar ABŞ və onun müttəfiqləri arasında fikir ayrılıqlarının dərinləşdiyini göstərir və gələcəkdə alyans daxilində koordinasiyaya təsir edə bilər.

//Samir Qurbanov, Editor.az