Amerika Birləşmiş Ştatları yaxın günlərdə İraqda onun rəhbərliyi altında beynəlxalq hərbi koalisiyanın mövcudluğuna son qoymaq üçün İraqla danışıqlara başlayacaq.

Editor.az bildirir ki, bu barədə Pentaqonun rəhbəri Lloyd Ostin X mikrobloqunda (keçmiş Twitter) yazıb. Onun sözlərinə görə, onlar ABŞ və İraq Ali Hərbi Komissiyasının işçi qruplarının görüşlərini keçirəcəklər və hər iki ölkənin keçən ilin avqustunda Vaşinqtonda danışıqlar zamanı razılaşdırılan prosesə start verəcəklər.

Bu, uzunmüddətli ikitərəfli təhlükəsizlik tərəfdaşlığına keçidi təmin etməlidir. “ABŞ hərbi qulluqçuları İraq hökumətinin dəvəti ilə “Inherent Resolve” əməliyyatının İraq təhlükəsizlik qüvvələrinə İŞİD-ə qarşı davam edən mübarizəsində məsləhət, yardım və dəstək missiyasının bir hissəsi olaraq İraqdadır. Birləşmiş Ştatlar təhlükəsiz, sabit və suveren İraqa sadiqdir”, – mesajda deyilir.

//Samir Qurbanov, Editor.az