Pentaqon rəhbəri Pit Heqset bildirib ki, ABŞ ordusu Karib dənizində narkotik qaçaqmalçılığı ilə məşğul olan bir gəmiyə zərbə endirib. Katibin sözlərinə görə, gəmi ABŞ-da terrorçu kimi tanınan bir təşkilata məxsus olub.

Heqset əlavə edib ki, zərbə nəticəsində üç heyət üzvü həlak olub. Heç bir Amerika hərbçisi xəsarət almayıb.
Heqset sosial media platforması X-də yazıb: “Vətənimizi təhdid edən bütün narko-terrorçulara: Əgər sağ qalmaq istəyirsinizsə, narkotik qaçaqmalçılığını dayandırın. Ölümcül narkotik qaçaqmalçılığına davam etsəniz, sizi öldürəcəyik”.

Qeyd edək ki, noyabrın 5-də Pentaqon rəhbəri Sakit Okeanda narkotik kartelinin məhv edildiyini və iki nəfərin öldüyünü elan edib. Oktyabrın sonlarında ABŞ Sakit Okeanda dörd gəmini məhv edərək 14 nəfərin ölümünə səbəb olub.

//Samir Qurbanov, Editor.az