ABŞ Müdafiə Nazirliyi Ukraynanı öz resurslarından maliyyələşdirməyə davam edir.

Editor.az bu barədə “CNN”ə istinadla xəbər verir. 2023-cü ilin oktyabr ayından Pentaqon Ukrayna Silahlı Qüvvələrinə (AFU) müxtəlif növ yardımlara 430 milyon dollar xərcləyib. Bu vəsait başqa şeylərlə yanaşı, ABŞ və Almaniyadakı Ukrayna ordusunun maliyyələşdirilməsinə yönəlib. Telekanal ABŞ ordusunun Avropa və Afrikadakı komandanlığının əməliyyat xərclərinin təxminən 3 milyard dollar olduğunu qeyd edib. CNN vurğulayıb ki, komandanlıq öz vəsaitlərini xərcləməyə davam edərsə, Ukraynaya dəstək verməklə, məsələn, Amerika əsgərləri üçün kazarma tikmək arasında seçim etməli olacaq.

Pentaqondakı yüksək səviyyəli mənbələrin sözlərinə görə, Kiyevə yardımla vəziyyət dəyişməsə, pul bu ilin mayında bitəcək.

//Gülnarə Abasova, Editor.az