ABŞ prezidentinin Ali Rəhbərə ünvanladığı məktubun əsas məqamları onun ictimai ritorikasından az fərqlənir.

Bu barədə martın 17-də İran Xarici İşlər Nazirliyinin rəsmi nümayəndəsi məlumat verib. “Bu məktubla bağlı mediada dərc olunanların hamısı fərziyyədir və heç bir əsası yoxdur. Trampın ictimai açıqlamalarını nəzərə alsaq, bu məktubun məzmunu onlardan çox da fərqlənmir” – Esmail Bagai deyib

O əlavə edib ki, Tehranın məktubun mətnini ictimaiyyətə açıqlamaq üçün hələ əsası yoxdur. Bundan əlavə, Baqai bütün lazımi məsləhətləşmələr və müzakirələr tamamlanmadan məktuba cavab verilməyəcəyini vurğulayıb.

Xatırladaq ki, ötən həftə İran və ABŞ-ın vasitəçilər vasitəsilə nüvə proqramı ilə bağlı təmaslara başladığı məlum olub. Bundan əvvəl İran Xarici İşlər Nazirliyi amerikalıların təhdidlərə əl atacağı təqdirdə ABŞ-da birbaşa danışıqlara başlamayacaqlarını qeyd edib.

Samir Qurbanov, Editor.az