ABŞ-ın Suriyaya qarşı cari sanksiyaları axtarış-xilasetmə ilə əlaqədar əməliyyatlara aidiyyatı yoxdur.
Editor.az bildirir ki, bu, ABŞ Xəzinədarlığı tərəfindən verilmiş Ümumi Lisenziyadan (.pdf) irəli gəlir və 8 avqust 2023-cü il tarixinədək etibarlıdır. Lakin neftlə bağlı əməliyyatlar, sanksiyalara məruz qalan şəxslər və Suriya hökuməti ilə qarşılıqlı əlaqə hələ də qadağandır. ABŞ hakimiyyəti Türkiyə və Suriyadakı zəlzələlərdən sonra humanitar yardım məqsədilə 85 milyon dollar ayıracaq.
Bu barədə ABŞ Beynəlxalq İnkişaf Agentliyinin (USAID) bəyanatında deyilir. USAİD-in Fəlakətlərə Yardım Qrupu (DART) fevralın 6-da baş verən zəlzələdən bir neçə saat sonra səfərbər edilib. Hazırda DART Adıyaman, Adana və Ankarada fəaliyyət göstərir. Qrupa 200-ə yaxın insan daxildir ki, onlardan da 159-u axtarış-xilasetmə personalıdır. Əsas prioritet insanları dağıntılar altından çıxarmağa kömək etməkdir.
//Samir Qurbanov, Editor.az