Ukrayna paytaxtından Pasxa bayramı ilə bağlı keçirilmiş ibadəti yayımlayan ABŞ-nin “Fox News” telekanalı Kiyevi Rusiyanın tərkib hissəsi kimi göstərib.

Oxu.Az xəbər verir ki, telekanalın Kiyevdəki Müqəddəs Mixail Qızıl Qübbəli Məbəddən apardığı yayımın subtitrndə “Kiyev, Rusiya” yazısı gedib.

Tamaşaçıların sözlərinə görə, bu formada yayım təqribən yarım saat davam edib. Daha sonra səhv düzəldilib.

“Fox News” Moskvadakı Xilaskar Məsihin Məbədindən Moskva və bütün Rusiya Patriarxı Kirillin apardığı Pasxa ibadətini də nümayiş etdirib.