ABŞ və Çin arasında süni intellekt texnologiyaları ilə bağlı danışıqlarda yeni xəbərdarlıq mexanizminin yaradılması təklif olunub.

ABŞ maliyyə naziri Skott Bessentin sözlərinə görə, məqsəd milli təhlükəsizlik üçün ciddi risk yarada biləcək süni intellekt insidentləri barədə iki ölkənin bir-birini vaxtında məlumatlandırmasını təmin etməkdir.

Tərəflər həmçinin ticarət məsələlərini müzakirə edib. ABŞ və Çin arasında istehlak malları, kənd təsərrüfatı məhsulları, enerji və tibbi avadanlıqlar kimi “həssas olmayan” məhsullar üzrə tariflərin azaldılması imkanları da gündəmdədir.
Vaşinqton və Pekin arasında süni intellekt sahəsində dialoqun gələcəkdə daha geniş beynəlxalq mexanizmlərə nümunə ola biləcəyi bildirilir.

//Samir Qurbanov, Editor.az