ABŞ müdafiə naziri Lloyd Austin və onun israilli həmkarı Yoav Qalant İraqda ABŞ hərbçilərinin yerləşdiyi hava bazasına hücumu “təhlükəli eskalasiya” kimi qiymətləndiriblər.

Editor.az xəbər verir ki, bu barədə Pentaqon məlumat yayıb. Bəyanatda deyilir:

“Dövlət katibi Ostin və dövlət katibi Gallant, İranla koordinasiyada fəaliyyət göstərən paramilitar qüvvələrin Qərbi İraqdakı Ayn əl-Əsəd Hərbi Hava Bazasında yerləşən ABŞ əsgərlərinə qarşı hücumunun təhlükəli bir eskalasiya olduğunu və İranın regionda sabitliyi pozan rolunu nümayiş etdirməsi ilə bağlı razılığa gəliblər”,- deyə bildirilib.

Bundan əvvəl Shafaq News portalı beynəlxalq koalisiya qoşunlarının istifadə etdiyi Ayn əl-Əsəd hava bazasının raket hücumu ilə vurulduğunu yazmışdı. Fələstin-İsrail münaqişəsinin kəskinləşməsi başlayandan bəri İraqdakı Amerika bazaları, eləcə də Suriyadakı Amerika hərbçiləri mütəmadi olaraq bombardman edilir. Hücumlara görə məsuliyyəti İraqda fəaliyyət göstərən silahlı şiə qrupları öz üzərinə götürür.

//Gülnarə Abasova, Editor.az