ABŞ-ın İrandakı Kataib Hizbullah şiə qruplaşmasının hədəflərinə hücumları və husilərin Qırmızı dənizdə ticarət gəmilərinə hücumları Yaxın Şərq regionunda münaqişəni dərinləşdirir.

Editor.az bu barədə Bloomberg-ə istinadla məlumat verir. Agentlik ABŞ-ın keçmiş rəsmisi Aaron David Millerdən sitat gətirib: “Aydındır ki, İsrail və HƏMAS arasında müharibə bu intensivliklə nə qədər uzun davam edərsə, gərginliyin baş vermə ehtimalı bir o qədər çox olar”. Mətndə qeyd edildiyi kimi, qeyri-dövlət hərbi qruplarının sayı, İD-nin hərbi əməliyyatlarının gözlənilməzliyi və İranın cavabı hansı hadisələrin regionda münaqişənin daha da genişlənməsinə gətirib çıxara biləcəyini proqnozlaşdırmağı çətinləşdirir.

Bundan əvvəl ABŞ Mərkəzi Komandanlığı (CENTCOM) İraq və Suriyada koalisiya qüvvələrinə çoxsaylı hücumlara cavab olaraq İraqda şiə Kataib Hizbullah qruplaşmasına zərbələr endirib. Pentaqonun məlumatına görə, oktyabrın 17-dən bəri Suriya və İraqdakı ABŞ əsgərləri 66 dəfə hücuma məruz qalıb. Suriya ərazisində 900-ə yaxın, İraqda isə təxminən 2,5 min amerikalı əsgər var.Livanın şiə Hizbullah partiyasının baş katibinin müavini Naim Qassem bildirib ki, Suriya və İraqdakı Amerika hərbi bazalarına hücumlar İsrailin Qəzzada əməliyyatını dayandırmaq üçün çox vacibdir.

//Gülnarə Abasova, Editor.az