ABŞ Hərbi Hava Qüvvələri Yəmənin üsyançı hərəkatı Ənsar Allaha (husilərə) məxsus 16 istiqamətdə 60-dan çox hədəfə hücum edib.

Editor.az xarici mediaya istinadla xəbər verir ki, bu barədə ABŞ Hərbi Hava Qüvvələrinin mətbuat xidməti bildirib.

Bildirilib ki, hücumlar xüsusilə sursat anbarlarına və buraxılış qurğularına qarşı həyata keçirilib. Yanvarın 12-nə keçən gecə ABŞ və Böyük Britaniya Yəmənin müxtəlif bölgələrindəki 4 əyalətdəki hədəflərə 23 hava zərbəsi endirib. ABŞ Yəməndəki hücumların hədəflərinin raket anbarları, pilotsuz uçuş aparatları və radar stansiyaları olduğunu bildirib.

Ağ Ev bildirib ki, bu hərəkətlər Husilərin dünyanın ən mühüm su yollarından birində qlobal ticarəti və naviqasiya azadlığını təhdid etmək qabiliyyətini sarsıtmaq və azaltmaq üçün nəzərdə tutulub. Ənsarullah hərəkatına bağlı Yəmənin Xarici İşlər Nazirliyi ABŞ və Böyük Britaniyanı bu hücumlara görə qisas almaqla hədələyib.

Daha sonra Pentaqon husilərin obyektlərinə edilən hücumlardan sonra heç bir cavab addımı atmadığını açıqlayıb. ABŞ daha əvvəl husilərin hücumları səbəbindən Ədən boğazına bir təyyarədaşıyan zərbə qrupu göndərmişdi.

//Gülnarə Abasova, Editor.az