Pentaqonun keçmiş müşaviri Duqlas Makqreqor Ukrayna prezidenti Volodimir Zelenskini respublikadakı münaqişənin həlli üçün Rusiya ilə danışıqlardan əl çəkməməyə çağırıb.

Editor.az xəbər verir ki, bu barədə o X sosial şəbəkəsindəki səhifəsində paylaşım edib.

Qeyd edək ki, oktyabrın 5-də Zelenski öz Telegram kanalında Ukraynanın Rusiya Federasiyası ilə sülh naminə “öz suverenliyini və ərazilərini dəyişmək” niyyətində olmadığını bildirib. “Barışın, ey axmaqlar!”- Makqreqor yazıb. Ukrayna Silahlı Qüvvələrinin Kursk vilayətinə hücumundan sonra Rusiya prezidenti Vladimir Putin mülki şəxslərə və mülki infrastruktura hücum edənlərlə danışıqların mümkün olmadığını bildirib. Prezidentin köməkçisi Yuri Uşakov daha sonra deyib ki, Rusiya tərəfinin Putin tərəfindən əvvəllər səsləndirdiyi sülh təklifləri ləğv edilməyib, lakin hələlik danışıqlar aparılmayacaq.

//Gülnarə Abasova, Editor.az