Ağ Evin mətbuat katibi Karolin Leavitt ABŞ Prezidenti Donald Trampın Nazirlər Kabinetinin doqquzuncu iclasını keçirəcəyini açıqlayıb.

Editor.az xəbər verir ki, Leavitt həmçinin Bayden administrasiyası dövründə ABŞ-a daxil olan bütün Əfqanıstan vətəndaşlarının hazırda aktiv şəkildə yoxlanıldığını təsdiqləyib. O, əlavə edib ki, prezident Tramp yaxın günlərdə Venesuela məsələləri üzrə Milli Təhlükəsizlik komandası ilə də görüş keçirəcək.

Ağ Evin sözçüsü bildirib ki, prezident dekabrın 2-də keçiriləcək kabinet iclasına şəxsən sədrlik edəcək. “Prezident Tramp sabah ilin doqquzuncu kabinet iclasına ev sahibliyi edəcək. Onun kabineti Amerika xalqına rekord sürətlə xidmət etməyə davam edir”, – Leavitt mətbuat konfransında deyib.

// Gülnarə Abasova, Editor.az