ABŞ administrasiyası yanvarın sonunda istefa verməzdən əvvəl Rusiyaya qarşı yeni sanksiyalar tətbiq etməyi planlaşdırır.

Editor.az xəbər verir ki, bu barədə Ağ Evin saytında milli təhlükəsizlik müşaviri Ceyk Sallivanın bəyanatında deyilir.

“ABŞ Rusiyanın maliyyə sektoruna qarşı ciddi sanksiyalar tətbiq edib və bundan sonra daha çox sanksiyalar tətbiq olunacaq”,- mətndə deyilir.

Qeyd edək ki, ABŞ-ın yeni seçilmiş prezidenti Donald Trampın andiçmə mərasimi 2025-ci il yanvarın 20-də baş tutacaq. Həmin gün ABŞ-ın hazırkı administrasiyası istefa verəcək.

Noyabrın 27-də ABŞ Dövlət Departamenti Rusiyanın “Bearings on Lipetsk” MMC və Rusiya vətəndaşı İqor Miçurin şirkətinin Amerika sanksiyalarına məruz qaldığını açıqlayıb. Amerika administrasiyasının sözlərinə görə, onlar ABŞ-ın İran, Şimali Koreya və Suriyaya münasibətdə kütləvi qırğın silahlarının yayılmaması ilə bağlı milli qanunvericiliyini pozurlar.

//Gülnarə Abasova, Editor.az