Ağ Evin sözçüsü Karoline Leavitt ABŞ prezidenti Donald Trampın üçüncü müddətə “gülümsəyərək” prezident seçilmə ehtimalından danışdığını və hələlik bu haqda düşünmədiyini bildirib.

Editor.az bu barədə ABŞ mətbuatına istinadla xəbər verir.

“Siz üçüncü müddətə dair suallar verməyə davam edirsiniz və o, təbəssümlə vicdanlı və açıq cavab verəndə hər kəs onun cavablarına görə həyəcanlanır. Prezident bir gün əvvəl təyyarədə bu barədə danışdı. O, bu barədə düşündüyü bir şey olmadığını söylədi. Qarşıda onu gözləyən dörd il və görəcəyi çox iş var”, – Leavitt jurnalistlərə deyib.

Bu açıqlamalardan bir neçə saat sonra Ağ Evdə jurnalistlərin sualını cavablandıran Tramp üçüncü müddətə namizədliyini irəli sürsə, Barak Obamanın rəqibi olmasını istədiyini deyib.

//Gülnarə Abasova, Editor.az