Ermənistan ordusu müvəqqəti humanitar atəşkəsi pozmağa, yaşayış məntəqələrində mülki əhalini hədəf almağa davam edir.

İHA müxbiri Ermənistan silahlı qüvvələrinin mülki yaşayış məntəqələrini hədəf alması nəticəsində zərər görən Ağdam sakininin evində olub.

Ağdamın Novruzlu kənd sakini Natiq Ağayev “1 saat əvvəl 10 mərmi düşdü. Onlardan 4-ü tarlaya, digəri isə həyətimə düşdü. Evimə ziyan dəyib. Artıq burada yaşaya bilmirəm”, – deyib.

Azərbaycan Müdafiə Nazirliyinin verdiyi açıqlamada Ermənistan ordusunun Goranboy, Tərtər, Ağdam və Ağcabədi rayonlarındakı mülki yaşayış məntəqələrinə səhər saatlarından atəş açdığı və Azərbaycan qoşunları tərəfindən lazımi tədbirlərin görüldüyü bildirilib.