Nazirlər Kabineti Azərbaycana idxal edilən Aİ-92 avtomobil benzinini gömrük rüsumundan azad edib.

Maraqlıdır, Azərbaycanda 92 (Aİ-92) oktanlı benzin idxalı müvəqqəti olaraq gömrük rüsumlarından azad edilməsi bu növ benzinin qiymətinə təsir edə bilərmi?

İqtisadçı ekspert Elşən Bağırzadə Editor.az-a açıqlamasında bildirib ki, rəsmi açıqlamada bunun müvəqqəti proses olduğu bildirilmişdir:

“Ancaq əsas kimi zavodda müntəzəm olaraq planlaşdırılan texniki işlərin gətirilməsi, bir qədər tam anlaşılan deyildir. Belə planlaşdırılma uğurlu sayıla bilməz. Rəsmi açıqlamalardan belə anlaşılır ki, rüsumlardan azadetmə idxal olunacaq benzinin indiki qiymətlərlə istahlakçılara təqdim edilmə imkanını qorumaq üçün edilib. Ona görə də bu addımın daxili bazarda Aİ-92 benzininin qiymətinə hər hansı təsir göstərəcəyini düşünmürəm.”

//Gülnarə Abasova, Editor.az