İtaliyanın baş naziri Giorgia Meloni ölkəsinin müttəfiqlər arasında İsrailə silah ixracına ən sərt məhdudiyyətlər tətbiq etdiyini bildirib.

Editor.az-ın məlumatına görə, o, müvafiq bəyanatla oktyabrın 17-18-də Aİ sammiti ərəfəsində İtaliya parlamentinin Senatında çıxışı zamanı deyib. İsrailin Qəzza zolağında əməliyyatının başlamasından sonra İtaliya hökuməti kabinet rəhbərinin sözlərinə görə, yəhudi dövlətinə hərbi məhsulların ixracı üçün bütün yeni lisenziyaların verilməsini dərhal dayandırıb.

Beləliklə, oktyabrın 7-dən sonra imzalanmış bütün müqavilələr yerinə yetirilməyib. Siyasətçi bildirib ki, oktyabrın 7-dək verilmiş bütün ixrac lisenziyaları bir-bir təhlil edilib. Baş nazir qeyd edib ki, onun ölkəsinin bütün yeni ixrac lisenziyalarını tamamilə bloklamaq mövqeyi Böyük Britaniya, Almaniya və Fransadan daha sərt və məhdudlaşdırıcıdır. O vurğulayıb ki, bu italyan tərəfdaşlar hər bir halda yeni lisenziyaları qiymətləndirməyə davam edirlər.

Meloni həmçinin bildirib ki, Roma köhnə lisenziyaları qiymətləndirir və bu hərbi materialın “indiki böhranda istifadə oluna bilməsi” riski olduqda hərəkətə keçir.

//Gülnarə Abasova, Editor.az