Dövlət Akademik Musiqili Teatrın aktyoru Möylə Mirzəliyevin vəziyyəti kritik ağır qiymətləndirilir.

Bu barədə Oxu.Az-a “Yeni klinika”dan məlumat verilib.

Bildirilib ki, aktyor gecə reanimasiyaya köçürülüb, süni tənəffüs aparatına qoşulub.

Xatırladaq ki, Akademik Musiqili Teatrın aktyoru Möylə Mirzəliyevin səhhətində problemlər yaranıb. Aktyor fevralın 14-də “EGE Hospital”da spinal stenoz (bel kanalının daralması – red.) diaqnozu ilə əməliyyat olunub. Əməliyyatdan sonra aktyor hərəkət qabiliyyətini tamamilə itirib.