Kaliforniya Universitetinin alimləri müəyyən ediblər ki, müntəzəm yumurta istehlakı qadınlarda nitqin səlisliyini artırır.

Editor.az xəbər verir ki, tədqiqatın nəticələri Nutritional Neuroscience (NutriNeuro) jurnalında dərc olunub.

Tədqiqatda 55 yaşdan yuxarı 357 kişi və 533 qadın iştirak edib. Bütün subyektlər yaddaş, diqqət, zehni çeviklik, nitqin səlisliyi və intellektin digər göstəriciləri kimi koqnitiv qabiliyyətləri qiymətləndirmək üçün bir sıra testlərdən keçiblər. Alimlər həmçinin könüllülərdən xəstəlikləri, həyat tərzi və pəhrizləri, o cümlədən yumurta istehlakı haqqında məlumat vermələrini istəyiblər. Xətti reqressiya üsullarından istifadə edərək, tədqiqatçılar dörd il ərzində yumurta qəbulu ilə koqnitiv skorlardakı dəyişikliklər arasındakı əlaqəni araşdırıblar. Təhlil göstərib ki, müntəzəm olaraq yumurta yeyən qadınların şifahi danışıq qabiliyyəti digər iştirakçılara nisbətən daha yüksək olub. Ancaq daha çox yumurta yemək kişilərdə digər bilişsel ölçülərə və ya psixi sağlamlığa əhəmiyyətli dərəcədə təsir etməyib.

//Gülnarə Abasova, Editor.az