Yaxşı bir yuxu rejiminə riayət etmək diabet və ürək xəstəliklərinin qarşısını ala bilər və ömrünüzü uzadar.

Editor.az xəbər verir ki, London Kral Kollecinin Yaşlanma Araşdırmaları Mərkəzinin direktoru Riçard Siou Daily Mail-ə bildirib. Siou bildirib ki, sağlam qalmaq üçün yalnız yeddi-doqquz saat yatmaq deyil, eyni zamanda yatmaq və oyanmaq vərdişini inkişaf etdirmək lazımdır. Alimin sözlərinə görə, qrafikə sadiq qalmaq orqanizmin təbii olaraq müntəzəm yuxu-oyanma dövrünə uyğunlaşmasına kömək edir.

Harvard Tibb Məktəbinin tədqiqatçıları tərəfindən 2023-cü ildə aparılan bir araşdırma nizamsız yuxu ilə ürək xəstəliyi, demans və diabet riskinin artması arasında aydın əlaqə tapıb. Bostondan olan tədqiqatçılar oxşar nəticələrə gəliblər. Siou qeyd edib ki, nəticələr yaxşı yatan kişilərin kifayət qədər yatmayanlara nisbətən orta hesabla beş il daha çox yaşadığını göstərib. Yaxşı bir gecə yuxusu da qadınların ömrünü təxminən iki il yarım uzadır. Alim əlavə edib ki, beyni yuxuya hazırlamaq üçün yuxuya getməzdən bir saat əvvəl qadcetlərdən imtina etmək tövsiyə olunur. Bədəni sakitləşdirən xüsusi axşam rituallarını inkişaf etdirmək də lazımdır. Bunlara dişlərinizi fırçalamaq və kitab oxumaq daxildir.

//Gülnarə Abasova, Editor.az