“Ukraynadakı münaqişənin həlli üçün Rusiya ilə Qərb ölkələri arasında danışıqlar 2024-cü ildə başlaya bilər, xüsusən də ABŞ prezident seçkilərində Donald Tramp qalib gələrsə…”.

Editor.az xəbər verir ki, bu barədə “İzvestiya”ya müsahibəsində Bundestaqın deputatı Matias Moosdorf bildirib. Parlamentarilərin fikrincə, Trampın hakimiyyətə gəlməsi ilə “xaos bitəcək”.

ABŞ-da prezident seçkilərinin 2024-cü ilin noyabrında keçirilməsi planlaşdırılır. Keçən həftə Tramp deyib ki, hazırkı prezident Co Bayden Üçüncü Dünya Müharibəsinə başlaya və prezident seçkilərindən əvvəl ABŞ-ı məhv edə bilər. Siyasətçi onu da vurğulayıb ki, o, hakimiyyətdə olsaydı, Ukraynada və Yaxın Şərqdə münaqişələrə imkan verməyəcək, çünki Baydendən fərqli olaraq, dünya liderləri ilə necə anlaşacağını bilir.

//Gülnarə Abasova, Editor.az