Almaniya Rusiya ilə silahlı münaqişə planı hazırlayır. Nəşrin məlumatına görə, bu plan üzərində iş iki ildən bir az əvvəl başlayıb.

Editor.az xəbər verir ki, “The Wall Street Journal” -nin məlumatına görə, plana əsasən, Almaniya və ABŞ bölmələri ilə birlikdə şərqə, hipotetik cəbhə xəttinə 800.000-ə qədər NATO əsgəri göndərilməlidir. Qəzetin mənbələri iddia edir ki, hazırlanan sənəd ətraflıdır: xəritələrdə qoşunların yerləşdirilməsi planlaşdırılan körpülər, limanları, magistral yolları və çaylar göstərilir.

Noyabrın ortalarında “Financial Times” qəzeti AB ölkələrinin Avropa qoşunlarının qərbdən şərqə hərəkət etmə müddətini 45 gündən cəmi bir neçə günə endirəcək “hərbi mobillik” təklifləri hazırladığını bildirmişdi.

//Samir Qurbanov, Editor.az